Англискиот премиерлигаш Арсенал предводен од менаџерот Микел Артета не потроши многу во зимскиот преоден рок. „Топчиите“ на секој начин се обидоа да го доведат Душан Влаховиќ, кој на крајот се реши за трансфер во Јувентус.
Арсенал остана со сериозна сума пари за летниот трансфер прозорец, па се чини дека на Артета за неколку месеци ќе му ги исполни сите желби. На „Емирати“ треба да дојде напаѓачот на Милан, Рафаел Леао. Арсенал води во трката за неговиот потпис, тврдат италијанските медиуми.
Португалецот претходно се поврзуваше со Манчестер Сити, но сега Арсенал е главен фаворит да го доведе брзоногиот 22-годишен фудбалер во своите редови.
На 27 настапи за Милан оваа сезона, Рафаел Леао постигна 10 гола и додаде шест асистенции.
