Големата победа (0-5) на Манчестер Сити над Спортинг Лисабон во првиот осминафинален дуел во Лигата на шампионите влезе во историјата и со неколку врвни достигнувања на англискиот тим.
Фудбалерите од „Итихад“ се први со пет последовни победи како гости (без натпревари на неутрален терен) во елиминациската фаза на турнирот. Покрај тоа, ова е најубедливиот успех на гости во Лигата на шампионите во историјата на Манчестер Сити.
Тимот на Пеп Гвардиола може да се пофали со уште две работи, веќе има 200 гола во Лигата на шампионите, а тоа го постигнаа уште 13 екипи. Сепак, Манчестер Сити тоа го направи најбрзо – за само 97 натпревари.
Огромното водство од 0-4 на полувремето во Лисабон е прв случај во историјата на елиминациите од Лигата на шампионите, во кој тим има предност од најмалку четири гола.
