Манчестер Јунајтед им се врати на победите во Премиер – лигата. По двете ремија во низа, Кристијано Роналдо и Бруно донесоа триумф (2-0) над Брајтон на „Олд Трафорд“.
Португалецот погоди во 51.минута, ја прекина и својата црна серија без погодок, а и го врати Јунајтед во вистински ритам. Сега „ѓаволите“ се повторно на четвртата позиција на табелата во Премиер – лигата.
Само три минути откако Роналдо донесе водство, гостите останаа и со фудбалер помалку на теренот. Исклучен беше Луис Данк, по што Брајтон не успеа да се врати во игра.
Бруно Фернандеш длабоко во судиското продолжение го постигна вториот гол за Манчестер Јунајтед.
