ЛШ: Куртоа му одбрани пенал на Меси, но Мбапе погоди…Сити го растури Спортинг (ВИДЕО)

Реал Мадрид имаше 0-0 до судиското продолжение, но Килијан Мбапе во последните мигови успеа да го совлада Тибо Куртоа и донесе триумф од 1-0 за ПСЖ на „Паркот на принцовите“ во првиот осминафинален меч од Лигата на шампионите.

Куртоа во 61.минута успеа да му одбрани пенал на Лионел Меси, откако Дани Карвахал во шеснаесетникот стартуваше над Мбапе.

ПСЖ беше подобар ривал и на крајот заслужено обезбеди минимална предност на овој меч.

Манчестер Сити го растури Спортинг во Лисабон, победи со 0-5 и веќе е во четвртфиналето на ЛШ. Ријад Махрез и Бернардо Силва со два гола брзо најавија англискиот првак нема да се шегува, а до крајот на првото полувреме стрелаа и Фил Фоден и повторно Бернардо Силва.

Рахим Стерлинг во 58.минута го постигна петтиот гол за „граѓаните“.