Поранешниот фудбалер на Реал Мадрид, Милан и на Манчестер Сити, легендарниот репрезентативец на Бразил, Робињо, е осуден на девет години затвор поради силување.
Познат Бразилец силувал 20-годишна девојка во ноќен клуб во Милано.
Италијанските власти распишаа потерница по Робињо и бараат Бразил да го екстрадира поранешниот фудбалер на отслужување на затворската казна.
На Робињо му помага тоа што според уставот на Бразил не е дозволена екстрадиција на неговите државјани, па поранешниот фудбалер ќе остане на слобода доколку не ја напушти татковината.
„Девојката беше пијана и не знае што се случи. Смешно е што ме обвини за силување”, изјави Робињо за овој случај.
