Манчестер Јунајтед не успеа да слави на гостувањето против Барнли играјќи само 1-1. По ова, „црвените ѓаволи“ остануваат на петтата позиција на табелата со еден бод негатива во однос на четвртопласираниот Вест Хем.
Ралф Рангник го остави Кристијано Роналдо на клупата од стартот на мечот, а му даде шанса на Единсон Кавани. А Пол Погба се врати на теренот и постигна гол за Јунајтед по пауза од една година. Французинот донесе водство во 18.минута, откако претходно не му беше признат гол на Варан. Сепак, Барнли израмни на почетокот на второто полувреме со голот на Џеј Родригез.
Њукасл оствари значајна победа (3-1) дома против Евертон, со головите на Фрејзер и Трипие и автоголот на Холгејт, а Вест Хем славеше минимално (1-0) против Вотфорд со погодокот на Џерод Боувен.
