Бразилецот Нејмар речиси сигурно нема да може да игра како стартер за Пари Сен Жермен против Реал Мадрид на 15 февруари, тврди „Л’Екип“. Постои само мала можност напаѓачот да влезе и како резерва на теренот на првиот дуел.
Седум дена останаа до првиот натпревар од осминафиналето од Лигата на шампионите меѓу двете екипи, а реваншот е во Шпанија на 9 март.
Нејмар се опоравува од повредата на скочниот зглоб од крајот на ноември, но неговото опоравување оди побавно од очекуваното.
Бразилецот празниците ги помина во татковината, а потоа на 10 јануари се врати во Париз и секој ден ја следи својата програма за рехабилитација.
