Францускиот интернационалец Осман Дембеле ќе ја доигра сезоната во Барселона, а на лето како слободен агент ќе го напушти клубот. Напаѓачот ги одби сите понуди од Барселона за продолжување на соработката, а до него стигнаа и понудите на Челси, Тотенхем и ПСЖ. Сепак, тој гледа кон Серија А.
Јувентус веќе испратил понуда до неговиот агент и ги започнал преговорите со Французинот да се пресели во Торино по завршувањето на сезоната. „Бјанконерите“ се спремни да му платат богат бонус при потпис на договорот, а притоа му нудат и плата од 10 милиони евра по сезона.
Преговорите се започнати, но и други клубови се силно заинтересирани и се подготвени да ги понудат истите услови.
