Хрватскиот гигант Хајдук Сплит се буди на фудбалски план, одработи одличен зимски преоден рок, а тоа значи дека по подолг период би можел да му конкурира вистински на Динамо Загреб и да се вмеша во битката за шампионската титула. Синоќа Хајдук Сплит објави дека во клубот се враќа Никола Калиниќ, напаѓачот кој досега го носеше дресот на Верона.
Тој пристигнува на „Пољуд“ и ќе биде огромно засилување за нападот на сплитските „били“.
Хајдук во моментот е на четвртото место на табелата во првенството на Хрватска, но само со пет бода негатива во однос на лидерот Динамо Загреб.
