Барселона покажа дека ќе биде многу помоќна во вториот дел од сезоната во Ла Лига откако го совлада актуелниот првак Атлетико Мадрид со 4-2 на „Камп Ноу“. Сега тимот на Чави е во зоната која води во Лигата на шампионите откако се смести на четвртата позиција.
Јаник Караско во осмата минута го шокираше „Камп Ноу“, но Барса брзо се опорави. Две минути подоцна израмни Жорди Алба, а Гави во 21. минута се погрижи за пресврт. Роналд Араухо до крајот на првиот дел зголеми на 3-1.
Дани Алвеш во 49.минута ги разреши дилемите, а подоцна доби и црвен картон. Вториот гол за Атлетико Мадрид беше дело на Луис Суарез кој постигна погодок против поранешниот тим.
