Менаџерот на Мидлсбoро, Крис Вајлдер, не ја криеше големата радост откако неговиот тим го елиминира над Манчестер Јунајтед по изведување пенали во натпревар од 1/16 финалето на ФА купот на Англија.
„Воодушевени сме – ова е магијата на ФА Купот. Ја искористивме среќата, ја реализиравме нашата шанса и ги доведовме работите до пенали. А кога ќе почнат пеналите можете само да се надевате дека се ќе биде добро, ништо друго не може да се направи. Тоа беше одлична ноќ за нас и за англискиот фудбал. Поради ваквите натпревари навивачи од целиот свет го следат ФА купот. Нема поубав триумф од победа на Олд Трафорд“, изјави Вајлдер.
