Тренерот на Милан, Стефано Пиоли, ја изрази радоста за победата над Интер од 2-1 во градското дерби, истакнувајќи го карактерот на својот тим за пресвртот.
„Многу сум среќен. Имам тим кој никогаш не се откажува. Тоа се момци кои сакаат да ги надминат своите граници. Оваа победа треба да не убеди дека можеме многу. Му кажав на мојот тим дека пречките се преголеми само за оние кои немаат верба. Да се победи во дерби против толку силен противник е големо задоволство. Среќни сме, но сега се фокусираме на Купот на Италија, многу брзо ни следи нов натпревар“, изјави Стефано Пиоли.
