Европскиот првак Челси мораше да игра продолженија против нисколигашот Плимут за да се пласира во следната рунда од ФА купот на Англија. Тимот од „Стемфорд бриџ“ славеше со 2-1. Меколеј Гилеспи во осмата минута донесе водство за гостите, а Цезар Аспиликуета израмни пред крајот на првото полувреме. Челси постигна победнички гол дури во 105. минута преку Маркос Алонсо.
Вест Хем со 1-2 победи на гости против Кидерминстер. Алекс Пени во 19.минута донесе предност за аутсајдерот, а Вест Хем се извлече од пораз во 90.минута со голот на Деклан Рајс. На крајот од продолженијата, Џерод Бовен погоди во 120.минута за триумф на Вест Хем.
