ФИФА, предводенa од Џани Инфантино и од Арсен Венгер, ја промовира идејата Светското првенство во фудбал да се одржува на секои две години. Речиси сите во светот на фудбалот се против оваа идеја, најмногу поради тоа што календарот е веќе преполн со натпревари, а ова би оптоварило до тој степен што би станало неодржливо.
Последната изјава по ова прашање ја даде претседателот на УЕФА, Александар Чеферин.
„Таа идеја е против фудбалот, против машкиот и женскиот фудбал. Тоа е против олимписките спортови. Затоа мислам дека тоа никогаш нема да се случи“, изјави Чеферин.
