Реал Мадрид постојано е во потрага по нови играчи. Иако на прв поглед се чини дека средината на теренот е комплетирана, на „Бернабеу“ не мислат така.
Причината за тоа се крие во неизвеноста околу Тони Крос и Лука Модриќ кои одамна минаа над 30 години. Затоа мадриѓани размислуваат за нов играч за врска.
Изборот падна на играчот на Баерн Минхен, Корентин Толисо. Неговиот договор со баварците истекува на лето. Тоа беше сигнал до Флорентино Перез да го „нападне“ францускиот репрезентативец.
Толисо е во Баерн од 2017 година, но не играше многу на „Алијанц Арена“, пред се поради бројните проблеми со повредите. Играчот од средниот ред во дресот на германскиот шампион постигна 21 гол и забележа 15 асистенции.
Покрај Реал, за Толисо е заинтересиран и неговиот поранешен клуб, Олимпик Лион.
