Баерн Минхен нема да избрзува со враќањето на германскиот репрезентативец Леон Горецка, увери тренерот на тимот, Џулијан Нагелсман.
„Нема конкретен датум за враќање на Горецка. Неговото закрепнување малку забави минатата недела“, рече Нагелсман на прес-конференција.
„Тој чувствува дека нешто не е во ред со неговото колено. Не може премногу да го оптоварува, па нема конкретен датум за неговото враќање”, додаде тренерот на Баерн Минхен.
Алфонсо Дејвис исто така останува надвор од тимот на германскиот шампион, бидејќи ефектите од коронавирусот не исчезнаа целосно.
