Германскиот бундеслигаш Волфсбург и официјално го врати напаѓачот Макс Крузе. 33-годишниот поранешен германски репрезентативец потпиша договор на една и пол година.
Крузе доаѓа од Унион Берлин за 5 милиони евра. Тој ќе треба да го замени Ваут Вегеорст, кој денеска ќе го финализира трансферот во Барнли.
Напаѓачот веќе настапуваше за Волфсбург во сезоната 2015/2016, по што беше продаден на Вердер Бремен.
Во својата кариера има настапувано и за Сент Паули, Фрајбург, Борусија Менхенгладбах и за Фенербахче.
