Атлетико Мадрид го блокираше трансферот на Алваро Мората во Барселона. Иако Јувентус се согласи да го пушти напаѓачот, „јорганџиите“ не сакаат да оди кај ривалот, бидејќи тој се уште е под договор со мадридскиот клуб.
Мората е на двегодишна позајмица во Јувентус, кој е подготвен да го пушти во Барселона, каде исто така би бил на позајмица шест месеци.
Каталонски „Спорт“ наведува дека Мората го прифатил и трансферот во Барселона, па дури и се согласил на намалување на платата. Сепак неговиот клуб Атлетико Мадрид не го дозволи овој трансфер.
Алваро Мората оваа сезона одигра 22 натпревари за Јувентус во Серија А и постигна пет гола. Јувентус го доведе Душан Влаховиќ од Фиорентина и затоа е отворен за заминување на Мората.
