Фудбалерите на Манчестер Сити го совладаа Њукасл на гости со 0-4, со што ја забележаа осмата последовна победа, но заработија критики од нивниот менаџер Пеп Гвардиола. Шпанскиот стратег првиот дел од натпреварот го опиша како најлошата изведба на својот тим оваа сезона.
Победата против Њукасл му послужи на Манчестер Сити да постави рекорд во Премиер – лигата, бидејќи тимот од „Итихад“ стана првиот со 34 победи во една календарска година, но Гвардиола не беше задоволен од она што го виде.
„Резултатот од играта беше сензационален, но претставата воопшто не беше добра. Особено во првото полувреме, тоа беше можеби нашата најлоша изведба во оваа полусезона. Разликата ја направи квалитетот на играчите, но ова не е начинот на кој сакаме да играме“, изјави Гвардиола.
По одиграни 18 кола во Премиер – лигата, Манчестер Сити е водечки тим во поредокот со 44 бодови. Три помалку собра Ливерпул, а третопласиран е Челси.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski