Милан загуби од Наполи (0-1) на „Сан Сиро“ и направи чекор назад во трката за „скудетото“, а тренерот Стефано Пиоли жали за непризнатиот гол на Франк Кеси во 90.минута. Тој смета дека Оливие Жиру не влијаел на играта и дека голот не требаше да биде поништен по прегледување на ВАР.
„На крајот ќе кажат дека офсајд позицијата на Жиру е активна. Но, ако играчот е на земја и не направи ништо за да интервенира, како му предизвикува штета на одбранбениот играч? Мислам дека тоа беше регуларен гол за Милан. Загубивме, но не бевме надиграни“, изјави Стефано Пиоли.
