Аргентинскиот напаѓач Серхио Агуеро пред неколку дена објави крај на кариерата. Агуеро со солзи во очите на прес-конференција ја објави тешката одлука што мораше да ја донесе поради срцева аритмија.
Агуеро дојде во Барселона ова лето како слободен играч од Манчестер Сити, каде што помина една деценија и стана најдобар стрелец во историјата на „граѓаните“, но пред помалку од три месеци му беше дијагностицирана аритмија откако се пожали на болка во градите и вртоглавица на натпреварот со Алавес.
Тој сега доби четири понуди за нова работа. Неговиот поранешен клуб Манчестер Сити сака Агуеро да биде актуелен амбасадор на клубот. Покрај таа понуда, Агуеро има и две понуди од Аргентина, едната да биде помошник тренер на селекторот Лионел Скалони во репрезентацијата, а другата да води една од помладите категории во селекциите на Аргентина.
Четвртата понуда засега е работа како стручен коментатор на една од најголемите ТВ мрежи.
Пред да дојде во Барселона, Агуеро играше за Индепендиенте, Атлетико Мадрид и за Манчестер Сити, за кои постигна 260 гола на 390 натпревари, од кои 184 во Премиер – лигата.
