Рома стигна до десеттата победа во Серија А оваа сезона откако на гости во Бергамо ја декласира Аталанта со 1-4. Со тоа ја прекина низата на домаќинот од десет меча без пораз.
Тами Абрахам уште во првата минута погоди за Рома, а Николо Заниоло во 27.минута зголеми на 0-2. Надеж за Аталанта даде голот на Луис Муриел во последните моменти од првиот дел, но Рома не мислеше така.
Крис Смолинг во 72.минута постигна трет гол за „волчицата“, а десет минути подоцна Абрахам со својот втор гол го постави конечниот епилог.
