Поразот од Лече (0-2) во Купот на Италија тешко им падна на навивачите на Специја. Избраниците на Тијаго Мота играат слабо во првенството, но навивачите веруваа дека нема да имаат проблеми со тимот од Серија Б во Купот.
Во текот на натпреварот од трибините се слушаа свирежи кои беа упатени до домашните фудбалери, а ситуацијата кулминираше откако судијата означи крај.
Навивачите се наредија пред портите и не им дозволија на играчите и стручниот штаб да си заминат дома.
Во италијанскиот шампионат Специја е на 17. позиција на табелата со 12 бода и тоне од ден на ден, а на прашањето дали ќе поднесе оставка, тренерот Мота само ги замоли новинарите да му го постават следното прашање.
Последната победа тимот ја оствари на почетокот на ноември против Торино, а оттогаш има пет порази и едно реми.
