Муамед Сејдини наградата „маж на годината“ им ја посвети на фудбалските репрезентативци

Претседателот на Фудбалската федерација на Македонија, Муамед Сејдини, ја доби наградата „Маж на годината“ за најголем придонес во спортот. Првиот човек на македонскиот фудбал одлучи наградата да им ја посвети фудбалските репрезентативци на Македонија.

„Многумина сакаат да зборуваат за тоа што требало и што би можело да се направи. Фудбалската федерација на Македонија одлучи дека зборовите нема да останат без дела. Благодарност за наградата „Маж на годината“ посветена на мажите на годината кога е во прашање фудбалот. Признанието го посветувам на целата македонска фудбалска репрезентација. Верувајте во нив. Одново сме подготвени за големи работи”, истакна Муамед Сејдини.