Германскиот стратег Ралф Рангник штотуку пристигна на „Олд Трафорд“, а веќе треба да носи важни одлуки во Манчестер Јунајтед. Раководството бара да ја изготви трансфер – листата за фудбалерите кои ќе можат да си заминат од клубот во зимскиот преоден рок.
Иако нема официјална информација, медиумите на Островот веќе наголемо најавиваат дека за играчите како Антони Марсијал, Џеси Лингард, Хуан Мата и Фил Џонс потенцијално ќе бидат отворени вратите на „Олд Трафорд“.
Лингард и Марсијал се желби на Њукасл, но во трката може да се вмеша и Вест Хем. Мата најверојатно ќе се врати во Шпанија.
Покрај овие фудбалери, најавено е заминувањето и на Единсон Кавани кој не е задоволен од минутажата во тимот и сака да побара друга средина. Во опција се Барселона, Јувентус и Милан.
