Манчестер Сити го совлада Вулверхемптон со 1-0 на „Итихад“ и ја зголеми предноста на врвот на табелата на четири бода во пресрет на останатите мечеви од Премиер – лигата. „Граѓаните“ имаа многу шанси, посебно откако гостите останаа со играч помалку поради исклучувањето на Раул Гонзалес, но само еднаш се тресеше мрежата на Вулвс.
Рахим Стерлинг реализираше пенал во 66.минута, откако Жоао Мутињо играше со рака во шеснаесетникот. Прегледувањето на ВАР – снимката го потврди пеналот иако Португалецот се „колнеше“ дека сепак се работи за игра со рамо.
