Сампдорија го доби градското дерби против Џенова (ВИДЕО)

Сампдорија ја доби градската пресметка со Џенова славејќи со 1-3 на стадионот „Луиџи Ферарис“. Македонскиот интернационалец Горан Пандев го одигра целиот меч, но тој и Андриј Шевченко мораа да се помират со пораз и на овој натпревар. Џенова останува закована на претпоследното место на табелата во Серија А со само десет освоени бода.

Маноло Габијадини во седмата минута донесе предност за Самп, а ја удвои Франческо Капуто на самиот старт од второто полувреме. Третиот гол исто така беше дело на Габијадини, а почесниот погодок за Џенова го постигна Матија Дестро.