Дарко Крстески замина од клупата на Победа

Победа го загуби дербито со Слога Виница (1-2), а тоа беше и последен меч за Дарко Крстески на клупата на прилепскиот второлигаш. Тој одлучи да замине и поднесе оставка од тренерската функција.

„Ја преземам на себе одговорноста по двата последни порази од Каменица Саса и од Слога Виница и поднесувам оставка. На Победа и посакувам многу успеси и да ја исполни нашата цел за враќање во елитата“, изјави Крстески.

Во следното коло Победа му гостува на Осогово во Кочани.