Интер за едно полувреме го замолкна Рим (ВИДЕО)

Интер убедливо ја совлада Рома на „Олимпико“ со 0-3 и повторно се доближи на само бод негатива во однос на градскиот ривал Милан. „Нероаѕурите“ беа надмоќни и ја завршија работата за едно полувреме.

Хакан Чалханоглу во 15.минута донесе предност, а ја удвои Един Џеко само девет минути подоцна. Во 39.минута Дензел Дамфрис постигна трет гол и беше јасно дека Рома нема што да бара на ова дерби.

Рома го забележа седмиот пораз, втор во низа и остана на 25 освоени бода.