Баерн Минхен на утрешното големо дерби против Борусија Дортмунд на „Сигнал Идуна парк“ ќе биде без сестраниот Џошуа Кимих, а под големо прашање е и учеството на неговиот партнер од средниот ред Леон Горецка, изјави првиот човек на Баерн, Џулијан Нагелсман, ден пред гостувањето во Вестфалија.
Кимих се уште е во карантин поради позитивен тест на коронавирус, а Горецка е повреден.
„Леон Горецка се уште е под знак прашалник. Ќе одлучиме утре, непосредно пред натпреварот. Тој тренира ограничено и се уште има болки во коленото. Ова е голем проблем за нас проблем. Ќе разговарам со него и потоа заедно ќе одлучиме дали е способен да игра. Но ќе се потпреме само на играчи кои се 100 отсто подготвени“, изјави Нагелсман.
Шампионот Баерн Минхен има еден бод предност пред Борусија Дортмунд, но ќе мора да се справи и со другите отсуства како Марсел Сабицер, Јосип Станишиќ и Ерик Максим Чупо-Мотинг.
„Сите знаат колку е важен овој натпревар. Одлично е за лигата што двата тима се во победнички момент. Ова е најважниот натпревар и мотивацијата е невообичаено висока. Не сум тој што плачам за отсутните бидејќи јас знам дека морам да дадам се од себе со достапните играчи. Ситуацијата е таква каква што е и не можеме да ја промениме“, вели тренерот на Баерн Минхен.
На местото на Кимих со многу голема веројатност ќе стартува Корентин Толисо, додека Џамал Мусијала е кандидат за средниот ред доколку не може да игра Горецка.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski