Фудбалската репрезентација на Норвешка не успеа да ја совлада Летонија на домашен терен и си ги загрози шансите за пласман во баражот за СП во Катар 2022. Норвежаните без повредениот Ерлинг Халанд не успеаја да пронајдат пат за топката до противничката мрежа и само ремизираа без голови, а тоа го искористи Турција која со 6-0 го совлада Гибралтар.
Сега Турците имаат подобра гол – разлика од Норвешка, а двете селекции имаат по 18 освоени бода. Норвешка во последното коло и гостува на Холандија, а Турција ќе биде гостин на Црна Гора.
