Шпанскиот интернационалец Тијаго Алкантара би можел веќе во јануари да се врати на „Камп Ноу“. Новиот тренер на каталонскиот тим Чави Хернандез сака да го врати стариот препознатлив стил на игра од периодот кога тој диригираше во средниот ред заедно со Иниеста и смета дека Тијаго Алкантара е најдоброто решение за тоа.
Алкантара ја мина школата „Ла Масија“, а од 2009 до 2013 година беше дел од првиот тим на Барселона. Потоа направи трансфер во Баерн Минхен, а од 2020 година е член на Ливерпул.
Во Ливерпул тој не се избори за стандардно место во составот, па и за него би било најдобро да се врати на „Камп Ноу“.
