Селекторот на фудбалската репрезентација на Чешка, Јарослав Шилхави, ќе ја пропушти последата сесија од квалификациите за СП 2022 на домашен терен против Естонија на 16 ноември поради позитивен тест за Ковид-19, соопшти Фудбалската федерација на Чешка.
Помошникот на Шилхави, Јиржи Читри, ќе ја води селекцијата.
Чесите имаат еднаков број бодови со Велс (по 11 бода) во групата Е, но се на второто место зад лидерот Белгија (16 бода) поради подобрата гол-разлика, иако одиграа натпревар повеќе.
Најдобрата селекција во групата ќе се пласира директно на мундијалот во Катар 2022 година, а второпласираниот ќе игра во бараж.
