Во Рома се импресионирани од голгетерот на Бодо Глимт, Ерик Ботхајм, и ја разгледуваат можноста да го привлечат во својот тим, тврди норвешката „ТВ2“. Напаѓачот постигна вкупно три гола и имаше три асистенции на натпреварите меѓу двата тима во Лигата на конференциите на УЕФА, во кои Бодо Глимт победи со 6-1 на домашен терен, а потоа ремизираше 2-2 на „Олимпико“.
Договорот на 21-годишниот фудбалер истекува на крајот на 2022 година, а за него е заинтересиран и градскиот ривал на „волчицата“, Лацио.
Оваа година, Ботхајм има 19 гола и девет асистенции на 39 натпревари за својот тим, на кој му се приклучи во февруари, пристигнувајќи како слободен играч од Розенборг.
