Новиот менаџер на Тотенхем, Антонио Конте, со победа дебитираше на новото работно место. Тотенхем славеше против Витесе со 3-2 во меч со многу голови и црвени картони. Тој не крие дека е задоволен со победата против Витесе во Лигата на Европа, но и потенцира дека не сака толку многу нервози поради случувањата на теренот.
„Не сакам вакви луди натпревари. Водевме со 3-0 и можевме мирно да го приведеме мечот со крај, а дозволивме тие да се вратат со два гола. Но, најважно е што победивме. Само два дена сме заедно, а сега треба брзо да се подготвиме за Евертон“, изјави Антонио Конте.
