Барселона минимално (0-1) го совлада Динамо во Киев и успеа да се пробие на второто место на табелата во групата. Стрелец на единствениот гол беше Ансу Фати во 70. минута од натпреварот, а тоа беше дебитантски триумф за тренерот Серхи Бархуан кој е привремено решение по заминувањето на Роналд Куман.
Победата на Барселона има и уште поубава страна. Барса стана првата шпанска екипа која во првите 11 имала тројца играчи до 20 години во елитното европско натпреварување.
Станува збор за Нико (19 години) Ансу Фати (19) и Гави (17), а каталонските медиуми тоа го нарекоа „Бејби рекорд“. Исто така, се наведува дека просечната возраст на тимот што синоќа истрча на теренот беше 24 години и 311 дена, што ја рангира Барселона на Бархуан меѓу десетте најмлади екипи во клупската историја кои се натпреварувале во некое од европските натпреварувања.
