Португалската ѕвезда Кристијано Роналдо во последен час го спаси Манчестер Јунајтед од пораз против Аталанта во Бергамо. „Ѓаволите“ одиграа 2-2 и сега се првопласирани во групата со седум бода, колку што има и Вилјареал.
Менаџерот Оле Гунар Солскјер не штедеше зборови за Роналдо.
„Роналдо за нас е како Мајкл Џордан за Чикаго булс. Неговата класа е врвна, а искуството непроценливо. Тој покажува храброст и одлучност во решавачките моменти и затоа е еден од најголемите на сите времиња. Морам да кажам дека и сите останати одиграа одлично, храбро, покажавме силен карактер иако двапати имавме негатива“, изјави Солскјер.
