Дефанзивецот на Мидлсборо, Сол Бамба е избран за најдобар во Чемпионшип дивизијата за изминатиов месец. Тоа е голема победа за одбранбениот фудбалер кој се врати на теренот откако на почетокот на годината доживеа шок. Му беа соопштени лоши вести дека му е дијагностициран канцер. Бамба мораше да ја паузира привремено кариерата и замина на хемотерапии.
Целата таа процедура успешно заврши во мај, по што тој полека се враќаше на терените, тогаш во екипата на Кардиф.
„Не знаете колку сте среќен се додека можете да играте фудбал. Ова е мојот втор фудбалски живот“, изјави Сол Бамба.
Летово тој од Кардиф направи трансфер во Мидлсборо и игра одлично во дресот на овој клуб.
