Антонио Конте денеска потпиша договор со Тотенхем и го наследи Нуно Еспирито Санто на клупата на лондонскиот клуб. Италијанскиот стручњак истакна дека е среќен што се враќа на тренерската работа, а особено што повторно ќе биде дел од Премиер – лигата.
„Тотенхем има одлични услови за работа и еден од најдобрите стадиони во светот. Едвај чекам да почнам да работам и да им ги докажам на навивачите оние доблести кои отсекогаш ме краселе. Минатото лето не можевме да се договориме бидејќи бев емотивно празен по заминувањето од Интер, но сега повторно се појави можност и еве ме. Заразниот ентузијазам и решителноста што ги видов кај Даниел Леви ме убедија да ја прифатам работата”, изјави Антонио Конте.
