Италијанскиот стратег Антонио Конте е пред договор за преземање на англискиот премиерлигаш Тотенхем. Поранешниот тренер на Челси, Јувентус и Интер, како и италијански селектор, пристигна во Лондон каде треба да се сретне со челниците на клубот за потпишување договор до 2023 година.
Тотенхем во саботата на домашен терен загуби од Манчестер Јунајтед со 0-3, а тоа беше последен натпревар за Нуно Еспирито Санто кој доби отказ. Раководството на Тотенхем е убедено дека овојпат го носи вистинското решение, тренер кој неколкупати ја освојувал Серија А, а еднаш бил и шампион на Англија.
Конте побарал од претседателот Даниел Леви да потроши околу 150 милиони евра на неколку фудбалери во наредните два преодни рока. Негови „пикови“ се српскиот напаѓач Душан Влаховиќ од Фиорентина, како и двајцата стопери на Интер, Стефан Де Фрај и Алесандро Бастони.
