Буњамин Шабани: Време е Струга ТЛ да им се врати на победите

Струга ТЛ влезе во негативна серија, не знае за победа да трите последни меча, а капитенот Буњамин Шабани вели дека време е оваа низа да биде прекината. Денеска (14 часот) на стадионот крај езерото гостува Борец, а стружани посакуваат три бода.

„После три натпревари без победа, мислам дека натпреварот со Борец е една добра можност да ја прекинеме негативната серија. Сите сме максимално подготвени за овој натпревар и веруваме дека со победа ќе направиме еден пресврт во сезоната, а потоа да продолжиме со позитивни резултати. Веруваме во ваков расплет и тоа ни дава сила денеска пред нашите навивачи да го дадеме максимумот. Треба да покажеме дека резултатската криза е помината, а Струга Трим Лум и оваа година сака да се бори за излез во Европа“ изјави Шабани.

Лидерот Шкупи гостува во Кавадарци, а дербито се игра во Струмица каде Академија Пандев ќе ја пречека Шкендија.

Брегалница во Штип е домаќин на Македонија ЃП, а Ренова во Тетово ќе го пречека Пелистер.

Вчера, на отворањето на десеттото коло, Скопје како гостин го совлада Работнички со 0-1.