Каталонскиот гигант Барселона се наоѓа на крстопат, по заминувањето на аргентинската суперѕвезда Лионел Меси, ќе мора да се посвети на младите сили од сопствениот кадар. Шпанскиот репрезентативец Педри експресно израсна во фантастичен играч и носител на играта во тимот на Роналд Куман, а раководството успеа да го врзе да остане долго на „Камп Ноу“.
Педри потпиша договор до 2026 година, а Барселона се заштити со огромна клаузула. Доколку некој клуб сака да го купи Педри во наредните пет години, ќе треба да плати неверојатна отштета од ЕДНА МИЛИЈАРДА евра.
Идентична клаузула има и во новиот договор на Ансу Фати, кој ја доби „десетката“ на Барселона по заминувањето на Меси.
