Германија ја оправда фаворитската улога на дуелот против Македонија во Скопје славејќи со 0-4. Двојниот стрелец Тимо Вернер вели дека бил тешко да се пробие бедемот на нашиот национален тим во првото полувреме.
„Секогаш е тешко на почетокот против ваквите репрезентации. Беше само прашање на време кога ќе постигнеме гол. Останавме упорни, на почетокот на вториот дел дојде првиот гол и потоа сè беше полесно“, изјави Вернер.
Германија е првата селекција што обезбеди пласман на Светското првенство во Катар, а Македонија сега има тешка задача за баражот во трката со Романија и Ерменија.
