Далеку бевме од чудо во Скопје (ФОТОГАЛЕРИЈА)

Македонскиот национален тим убедливо загуби (0-4) од Германија во Скопје. Не се повтори Дуисбург, а искрено, не ја повторивме ниту играта, ниту тактичката поставеност и мудроста со која ги изненадивме Германците на првиот меч во март.

Во првото полувреме париравме, но потоа моќниот ривал тргна фуриозно по триумф и успеа да ја оствари целта. Македонија падна на физички план, влезе во отворена битка, правеше грешки, а тоа фудбалерите од врвна класа на Ханси Флик знаеја да го казнат.