Шкупи сака да се врати на врвот, а и Работнички со триумф на Чаир би можел да се вмеша во трката за самиот врв. Ќе биде тоа надмудрување на двајцата поранешни соработници, Гоце Седлоски, кој сега го предводи Вардар, и Александар Влахо кој е тренер на Работнички. Многу добро се познаваат, ќе мора да пронајдат начин како да спроведат изненадување за денешниот ривал.
Кире Маркоски во минатото го носеше дресот на Работнички, а сега е адут на Шкупи. Тој верува во успех на тимот од Чаир, иако знае дека ќе биде ова тежок и неизвесен дерби дуел.
„Ќе биде тежок натпревар. Во последните натпревари тие постигнаа добри резултати и имаат квалитетен состав. Ние сме фокусирани и мотивирани да оствариме уште една победа. Верувам дека ќе ја постигнеме нашата цел и очекувам поддршка од нашите навивачи на домашен терен“, изјави Кире Маркоски.
Работнички оваа сезона игра одлично, покажа дека може да оствари триумф и на гости и сигурно таква ќе биде мисија на Александар Влахо. Тој има апсолутно голем респект за составот на Шкупи.
„Шкупи е одличен тим, секако се фаворити со оглед дека играат на домашен терен, а ние сакаме да се претставиме во добро издание“, изјави Александар Влахо, стратегот на Работнички.
ПРВА ФУДБАЛСКА ЛИГА, 9. КОЛO
Чаир: ШКУПИ – РАБОТНИЧКИ (денеска, 15 ч.)
ШКЕНДИЈА – БОРЕЦ 3-0
ПЕЛИСТЕР – ТИКВЕШ 0-0
МАКЕДОНИЈА ЃП – РЕНОВА 1-1
БРЕГАЛНИЦА – СТРУГА ТЛ 1-0
СКОПЈЕ – АК. ПАНДЕВ 0-0
