Академија Пандев загуби на домашен терен од Ренова со 0-1 и влезе во кругот на екипи кои до крајот на шампионатот ќе мислат на опстанокот. Новиот тренер Александар Таневски верува дека тимот многу брзо ќе го покаже комплетниот потенцијал и ќе им се врати на позитивните резултати. Тој на клупата го наследи Југослав Тренчовски, но тимот и оттогаш претрпе два минимални порази.
„Академија Пандев има несомнен квалитет, фудбалерите имаат голем потецијал, но треба да им ја вратиме самодовербата. Очигледно е дека лошата резултатска низа има влијание и работиме на тоа, се надевам дека ќе успееме да го свртиме моментумот веќе на следниот натпревар против Струга Трим Лум. Верувам во екипата, работат одлично на тренинзите, ќе дојдат и посакуваните резултати“, вели шефот на стручниот штаб, Александар Таневски.
