Шкупи оствари голема победа на гости (1-3) против Академија Пандев во дербито на осмото коло во Првата фудбалска лига. Тоа е овековечено и со победничко селфи на стадионот „Благој Истатов“ во Струмица.
Иако тимот од Чаир имаше негатива на стартот на вториот дел, кога Мартин Мирчевски од пенал ја доведе Академија Пандев во водство, сепак, составот на Гоце Седлоски одговори брутално во финишот. Марко Ѓорѓиевски израмни на 1-1, а потоа Фреди Алварез со два гола од пенал донесе триумф за Шкупи.
