Хрватскиот интернационалец Лука Модриќ има можност да влезе во историјата на Реал Мадрид. Ако вечерва настапи на „Џузепе Меаца“ во првото коло од Лигата на шампионите против Интер, ќе стане вториот фудбалер во историјата на Реал што играл во Лигата на шампионите на 36 или повеќе години.
Пред него тоа му успеа само на Чендо, легендарниот десен бек на мадридскиот клуб, кој за 16 години во дресот на Реал Мадрид собра 363 настапи и освои се што може да се освои.
Модриќ речиси сигурно ќе биде стартер во тимот на Карло Анчелоти и се уште е една од најважните алки во составот иако има полни 36 години.
