Јувентус на очаен начин ја отвори новата сезона во Серија А. Од првите три натпревари против Удинезе, Емполи и Наполи фудбалерите на Масимилијано Алегри освоија само еден бод во 270 минути.
Ваквата низа резултати е историски една од најлошите за клубот од Торино. Гледајќи ги последните 52 старта во натпреварувачката година, само еднаш, во сезоната 2015/16, тие започнаа без победа во првите три кола. Сега го повторија тој лош старт и моментно се наоѓаат на 14. место на табелата во Серија А.
