Фудбалската федерација на Македонија ги одреди цените на билетите за претстојните квалификациски натпревари на А – тимот. Навивачите на нашата репрезентација ќе можат да купат билет за натпреварите против Ерменија и Романија по цена од 300 денари преку продажната мрежа на MkTickets.
Денеска беа утврдени цените на влезниците и за натпреварот на македонската репрезентација до 21 година против Србија во Охрид и мечот меѓу женските А селекции на Македонија и Австрија.
Младите фудбалери до 21 година ќе можат да се следат за 150 денари, додека женската фудбалска репрезентација за 100 денари.
Се разбира, и понатаму важат истите ковид-протоколи, на стадион можат да присуствуваат само лица кои имаат примено најмалку една доза вакцина против Ковид-19 или го имаат прележано вирусот во последните 45 дена.
